الحرشة نافذة علی المستقبل
اناوامــي / بقلم : شهاب البلاوي
مـات ابوي
وچان فایت بس خمس تشهر اظن من عمر اخوي
وانا عشر اسنین عمري
او امي أخذت دور ابوي
احنینه من تدعي ابصدگ تسمع جواب
امي ربتنه ابعذاب
اتگلي لومرک ال آه
ارفع اچفوفک دعاء وکت الصلاه.
اتگلي یمــه..
الله ماینکر احبابة
التمشي ابدرب الرسول وقدوة خلوها الصحابة.
اتگلي یمــة..
الله لو صک باب واحد
ینفتح الفین باب
الله ظنّ ما خلة خاب
بس شرط کون ابصدگ من ذنبة تاب.
اتگلي یمــة..
اهناک ذنب الصلة بل مسجد چذب کلش عسیر
عن الي صلي ابوسط بیتة ابخشوع اعلي الحصیر
اهناک للیعرف ویحرف
اناما ادري اشیصیر.
اتگلي یمــة..
الله واهــس
من اکض اکتابة بیدي
واقرا آیات الحمد یا روحي هیدي
حتة من اچفوفي هم اسمع نفس
وتنملي ذاني اب اذان
اشهــدُ أن محمّد تنتـرس.
اتگلي یمة.
العرض دیّنْ
وستر بنت الجار جبلـة
انچان ناوي اتصلی بیهة اتشطف ابماي النجابة
ابفرض سنة الله و رسولة
حته اشوفنهة ابشرف يولیدي حبلة..
والخیانة یمة دین
والتدینهة ییمه اباخته ثق یتوفة دینة
یمة لبس العار ذلة
انچان ماتقبل تلبسة لاتلبس الغیر شینة.
اویمـة..
ارضک ثم عرضک
بالک اتعیش العمر بچناف چنة
وابارض ماکو محنة
وماتجد بیهة گبر یبني امن اهلنة
ماهي النة
انچان توجد بیهة کلهن
بالک اتساوم علیهن
عفیة خل روحک ییمة فدوا الهن
والیموت ابعز دربهن
الله یتضمنلة جنه
الله یتضمنلة جنه
جدید
شهاب البلاوي
